بو منيم وطنيم، بو منيم ائليم
جانيمدان عزيزدير توپراغيم ديليم
آل قانا بويانسام يادا ساتمارام
شرفيم وطندير بير آن آتمارام
آنامين قانيدير آخان قولومدا
دؤيوشه گئده رم وطن يولوندا
قورباندير بو خالقا بو يوردا جانيم
باشي اوجا ياشاسين آذربايجانيم
منی آنادان اولما میشدان اونجه
یول اوسته قویدولار
اونداندی
کی یوللار یولچوسویام
یوللار یورقونویام
یوللار وورغونویام
هله . آنا سوتون دادین آنمامیش
سوتو کسدیلر منه
اونداندی
کی حسرتله دولغونام
آنا یوزونه حسرت
آنا دیلینه حسرت
آنا وطنیمه حسرت
صبریم بیتمه دن
ایللردی کی بو حسرتی اوزومله داشیییرام
سازيمي آل، يا جانيمي
فرق ائله مز من اؤله رم.
سازيمين سيملرينه،
باغليدي جانيم بيليرسن
چك الين ديمه منه
من يانار اؤدلار گولويم.
يانارام يانديرارام،
هرنه يالان واردي بو گون
ظولمي يئردن سوپورن
قودرتي ائلدن آلارام.
بير عؤمور آلچاديلار
من دلي دومرول اوغلون
سيخيليب بير بوجاقا،
قالما منه مان بو گون.
دئديم هي، يان گزه سن
ديمييه سن سيملريمه
سيملريم سيلكلنه
من سني يئردن قازارام.
سن سوسوز، من دیلسیز ...
ميللت باشچي لاري دئيير منه نه
آغلاركن گوزلري سويلير او منه
دوز دولوبدور گوزلريمه يارديم ائت
نيسگيل دولوب سوزلريمه يارديم ائت
هاراي وئرن يوخدور منيم داديما
هئچ بير كيمسه گلمه يير ايمداديما
دنيز دئييلردي منيم آديما
ايندي داها دنيزدن بير آد قاليب
دورنالاردان خاطيره مده ياد قاليب
جان قورتاريب نفسيمي كسيب لر
غم يئللري منيم اوستدن اسيب لر
جانيمي آلماغا چوخ تله سيب لر
قورويوبدور منيم داها گوز ياشيم
چوخ بلالار چكيب بلالي باشيم
من اورمويام منده گمي گزردي
دورنا قوشو باشيم اوستون بزردي
عثمان يوموروغوم ظاليم ازردي
تورك اوغوللار سو يئتيرين سيز منه
قويمايين كي بورونوم من كفنه