آنا يۇردۇم پارچالاندێ    

اۇرگێمده قان جالاندێ    

يابانچێلار گۆليب دئدي    

اێنانمێرێق درد يالاندێ.    

يالان سنسن آي يابانچێ    

اێلان كيمين سن چالانچێ    

بيز بير ميللت ايكي يۇرددا    

آيرێ سالان،سن يالانچێ.    

يارالاندێم آخدێ قانێم    

قارا داغا باخدێ قانێم    

ايلمه ديم هر كيمسه يه    

گۆنش كيمين شاخدێ قانێم.    

اێلدرێلملار آخان كيمين    

قارا گؤيده شاخان كيمين    

اۆزۆلمرم من يۇردۇمنان    

جان بدندن چيخان كيمين.