آراز سني ياناسان 

يانيب يئره باتاسان 

آييردين بير اؤلكه‌ني 

داهي سونا چاتاسان. 

آراز آلدين "سارا"ني

منه ووردون ياراني 

گؤروم غرق ايده سني 

يارالاريمين قاني. 

آراز آخما يان يانا 

منه باخما يان يانا 

بوغدون ائلين "صمد"ين

قالديم باخا يان يانا.
 

باخديم آراز آخيردي 

گؤوده اولدوز شاخيردي 

ميثري قيلينج بئلينده 

"قره باليق" باخيردي. 

"آراز اوسته بوز اوسته" 

دوشوب ايگيد ديز اوسته 

"سارا" نامرد الينده 

يانير كؤلوم كوز اوسته. 

آراز اوسته باشقا خان 

آت چاپديران قاشقا خان 

"ايواز" گؤجؤن گؤررسن 

توش گلنده باشقا خان.